Negociatat për presidentin, Alibeaj mbledh sot grupin parlamentar të PD-së

Kreu i Komanduar i PD-së, Enkelejd Alibeaj ka thirrur në mbledhje grupin parlamentar.

Mbledhja është planifikuar që të zhvillohet në orën 16:00, në një kohë që po diskutohet zgjedhja e presidentit të ri.  Abc News njofton se në fokus nuk do të jenë negociatat për presidentin e Republikës, por edhe platforma e bashkimit e prezantuar rreth 3 ditë më parë.

Para se socialistët t’i presin në tryezë në Kuvendin e Shqipërisë për të negociuar për emrin e Presidentit të republikës, demokratët kanë një kërkesë.

Enkelejd Alibeaj e sheh zgjedhjen e kreut të shtetit bazuar në disa shtylla të rëndësishme që duhet të jenë transparente për shqiptarët.

Vendimi për t’u ulur përballë socialistëve në tryezë Alibeaj nuk do ta marrë i vetëm. Ky i fundit tha se do të kërkojë mandatim nga grupi parlamentar, prandaj dhe do ta mbledhë sot.