“Ne vlerësojmë mbështetjen e Shqipërisë”, Zelenskyy falënderon Begajn për solidaritetin me Ukrainën

Presidenti ukrainas, Volodymyr Zelenskyy, ka falënderuar presidentit shqiptar, Bajram Begaj për solidaritetin me Ukrainën. “Faleminderit për fjalët tuaja të mira dhe solidaritetin e palëkundur me Ukrainën, Bajram Begaj”, shkroi ai. “Ne vlerësojmë mbështetjen e Shqipërisë dhe presim me padurim sigurimin e një të ardhmeje paqësore evropiane si për vendet tona ashtu edhe për Europën në tërësi”, shtoi Zelenskyy në X (ish-twitter). Begaj, dje me rastin e shënimit të dyvjetorit të luftës Rusi-Ukrainë, përmes një shkrimi e mbështeti shtetin ukrainas. “Dy vjet pas agresionit ushtarak të paprovokuar dhe të padrejtë të Rusisë kundër Ukrainës, ne qëndrojmë me frikë nga lufta e guximshme e popullit ukrainas për liri, dinjitet dhe sovranitet. Ne mbetemi aleatë të palëkundur të Ukrainës, duke mbrojtur së bashku këto parime universale”, shkroi presidenti shqiptar në X.