Në vend të aktorëve sollën kamionë gjigantë, version i ri i “Romeo dhe Zhulieta” në Estoni

Romeo dhe Zhuljeta, tragjedia shekspiriane që është treguar dhe ritreguar mijëra herë, po gjen një formë të re dhe inovative në prodhimin më të fundit të “Kinoteater” estonez. Në vend të aktorëve, ribërja po përdor kamionë gjigantë dhe makineri të rënda për të treguar historinë. Vetë teatri e përshkruan shfaqjen si “Një tragjedi motorësh të luajtur në një kantier mbeturinash me sfondin piktoresk të një guroreje rëre”. Kamionët, të cilët rrotullohen, kryejnë truke dhe, në disa raste, bien nga lartësi të mëdha, po përdoren për të përcjellë emocionet që shpesh rezervohen për shfaqjen ose baletin tradicional, transmeton Klankosova.tv Romeon “luhet” nga një kamion garash, ndërsa Xhulieta është një kamionçinë Ford e kuqe. Pjesa tjetër e “kastit” përfshin kamionë zjarrfikës, autobusë dhe kamionë çimentoje me zemra të pikturuara mbi të, si dhe dhjetë shoferë, dy mekanikë dhe një ekspert piroteknikash. https://youtu.be/ypOMVHqvFP8 Prodhimi është pothuajse pa fjalë, dhe synon të nxisë imagjinatën e shikuesve të të gjitha moshave. Gjatë shfaqjes, kamionët i shtrijnë krahët e tyre mekanikë për të “luftuar”, për të krijuar emocione dhe madje për të “puthur”. Shfaqjet shoqërohen me fishekzjarre dhe muzikë. Shfaqja zhvillohet në guroren gëlqerore Rummu, 45 minuta larg me makinë në jugperëndim nga Talini. "Romula ja Julia" u shfaq premierë dhe do të interpretohet gjashtë herë gjatë javës. /Klankosova.tv