Në rritje numri i punëtorëve emigrantë në Gjermani

Gjermania vazhdon të jetë atraktive për qytetarët e vendeve që nuk janë pjesë e Bashkimit Evropian për t’i mbushur boshllëqet në tregun e punës. Në fund të vitit të kaluar ka pasur mbi 351 mijë njerëz që kanë qenë me banim të përkohshëm sipas Qendrës për Regjistrim të të Huajve, që ua mundëson atyre të punojnë në këtë shtet, raporton Hina, transmeton KlanKosova.tv. Kur krahasohet del se janë 56 mijë veta më shumë sesa viti paraprak, apo një rritje prej 19 përqind, njofton Zyra Federale e Statistikave e Gjermanisë. Që nga viti 2010 numri i punëtorëve emigrantë ka qenë në rritje, derisa 2/3 e tyre kanë qenë burra. Rrini të informuar mbi zhvillimet kryesore duke u bërë pjesë e komunitetit tonë në Viber. BONUS: Merreni aplikacionin tonë në Android dhe iOS.