Lajmet e fundit
Të qenit nënë është ndër punët më të vështira, e sidomos kur kësaj i shtohet depresioni post-natal, pesha, ndryshimet emocionale, sociale etj.
Në këtë kohë si juve po ashtu edhe fëmijës suaj ju duhet socializim, ajër i pastër dhe lëvizje.
Duke qenë pjesë e komunitetit të nënave Ardita, nënë e dy fëmijëve, përvojën e saj personale është e gatshme ta ndaj me nënat e reja duke e realizuar idenë e saj ku për herë të parë po organizon në Prishtinë seanca stërvitore për nënat bashkë me foshnjet e tyre, projekt të cilin e ka quajtur “Mami dhe Unë” (Mommy and Me).
“Mommy and me” ju mundëson ecje, vrapim, ushtrime trupore, zgjatje muskujsh dhe joga tre herë në javë, njofton Klan Kosova.
“ “Mommy and me” ju mundëson mbështetje psiqike dhe fizike, ju jep stabilitet dhe vendosmëri në jetën tuaj, gjithashtu ju siguron një trup të bukur dhe shëndet për ju dhe fëmijën tuaj, sepse kur ju qeshni fëmija juaj qesh, kur ju argëtoheni fëmija juaj argëtohet, kur ju ushtroni fëmija juaj ushtron” ka deklaruar udhëheqësja e këtij projekti, Ardita Hoxha
