Lajmet e fundit
Në orët e hershme të mëngjesit të sotëm në një lokal në Ferizaj ka pasur të shtëna armësh.
Zëdhënësi i policisë pë rajonin e Ferizajt, Kanun Veseli, i tha Klankosova.tv se i dyshuar është një 26 vjeçar, i cili është arrestuar nga policia.
“Sot, rreth orës 02:25 të mëngjesit, policia e stacionit në Ferizaj kishte pranuar një informacion se në rrugën "Wesley Clark" në Ferizaj në një lokal , personi me inicialet E.V (M/K) i moshës 26 vjeçar kishte shtënë me armë zjarri (një shkrepje). Në lidhje me këtë policia i ka marrë veprimet e nevojshme dhe ka arrestuar personin e dyshuar dhe si provë materiale ka konfiskuar një armë të zjarrit, dy fishek, ndërsa në vendin e ngjarjes ka gjetur edhe një gëzhojë nga shkrepja”, ka thënë ai.
I arrestuari është intervistuar dhe është dërguar në mbajtje për 48 orë.
“I dyshuari është shoqëruar në stacionin e policisë në Ferizaj dhe pas intervistimit nga policët hetues në prani edhe të avokatit mbrojtës, me vendim të Prokurorit kujdestar nga Prokuroria Themelore në Ferizaj, i njëjti është dërguar në mbajtje për 48 orë, për procedura të mëtejme hetimore, ndërsa rasti është cilësuar “Shkaktim i rrezikut të përgjithshëm” dhe “Mbajtja në pronësi, kontroll ose posedim i paautorizuar i armës””. /Klankosova.tv/
