Në një pompë derivatesh në Vushtrri hasen shkelje, kishte shmangie të sasisë

Agjencia e Metrologjisë bashkë me Krimet Ekonomike kanë zhvilluar sot një aksion në një pikë karburanti në Vushtri, ku janë hasur disa shkelje. Sipas Ministrisë së Industrisë, Ndërmarrësisë dhe Tregtisë, në tri dorezat e shpërndarësit të derivateve ka pasur shmangie të konsiderueshme të sasisë. “Pas verifikimit të katër dorezave të produkteve të naftës, është konstatuar se ka pasur shkelje si në vijim: Këputje të bllombës zyrtare, tek doreza ( 2A) të mjetit matës, i cili është vënë në funksion të keqpërdorimit, nga operatori ekonomik”, thuhet në njoftim, transmeton Klankosova.tv. Më tej, bëhet e ditur se rasti do të vazhdojë përmes organeve kompetente. *Klikoni KËTU për t’u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.