Në nëntokën e Manchester’it zbulohet një pub 200 vjet i vjetër

Arkeologët kanë zbuluar një pub nëntokësor të vjetër rreth 200 vjet, në nëntokën e një vendi ku po ndërtohej një zyrë në Manchester të Britanisë së Madhe, shkruan The Independent, transmeton Klan Kosova. Eskavatorët kanë zbuluar shishe të pahapura me konjak e liker, që janë të shekullit të XVIII-të. Ndërsa, ndërtimet kanë ndaluar menjëherë pasi në terren kanë dalë arkeologët për të bërë hulumtime para se ndërtesa 13 katëshe të ndërtohet. Në qeramikën e këtij pubi, është gjetur i gdhendu emri i Thomas Evans, që besohet të ketë qenë pronari i pubit ne vitin 1821.