Në ndalim policor i gjenden pushkë, 4 karikatorë, 225 fishekë dhe dy krehër të zbrazët

Policia e Kosovës ka kryer bastisje në Mitrovicë, tek një burrë i cili ishte në ndalim policor. Në shtëpinë e tij u gjetën dhe konfiskuan një pushkë automatike, katër karikatorë, 225 fishekë dhe dy krehër të zbrazët, transmeton Klankosova.tv. “Më 08.09.2024 njësia e hetimeve ka kryer bastisje në shtëpinë e të dyshuarit mashkull kosovar i cili gjendej në ndalim policor. Gjatë kontrollit janë gjetur dhe konfiskuar: një pushkë automatike, 4-karikatorë, 225 fishekë dhe dy krehër të zbrazët. Rasti nën hetime”, thuhet në raportin e policisë.