Në Mitrovicë nis sot festivali i letërsisë “ZaNa Fest”

Festivali i letërsisë “ZaNa Fest”, fillon sot nga ora 11:00 në Mitrovicë. Edicioni i pestë i festivalit hapet me punëtori poetike me fëmijët e Down Syndrome Kosova – Mitrovicë, transmeton klankosova.tv. Në këtë aktivitet, fëmijët do të ilustrojnë poezi nga edicionet e kaluara të ''ZaNa Fest'' në formë kartolinash, duke shprehur talentin dhe imagjinatën e tyre në një ambient të ngrohtë dhe kreativ. Me moton “Udhëtimi”, për pesë ditë me radhë në këtë festival do të ketë aktivitete të ndryshme, transmeton Klankosova.tv. Këtë edicion juria e “ZaNa Festival” janë: Dije Demiri-Frangu, Bujar Meholli dhe Aleksandar Dundjerin.