Lajmet e fundit
Në qytetin e Mitrovicës, do të organizohet Festivali Ndërkombëtar i Filmit “Bridge Film Fest”, ku do të shfaqen filma, përzgjedhja e të cilëve është bërë nga një staf profesional.
Stafi i këtij festivali, nga 2654 filma artistik dhe 264 filma dokumentarë për mjedisin, ka zgjedhur 37 prej tyre.
Kjo shënon edhe herën e parë që në mesin e urës kryesore mbi lumin Ibër në Mitrovicë, do të shfaqen filma, thuhet në komunikatën për media të organizatorëve të këtij festivali.
Festivali do të hapet me filmin "Battalion", film i prodhuar nga kompania e madhe e filmit "Columbia Picture", nga regjisori i njohur rus Dmitry Meskhiev .
Filmat në festivalin ndërkombëtar të filmit në Mitrovicë, do të shfaqen nga 16 deri me 22 shtator.
