Në Kokaj të Gjilanit kapen 20 kova me mjaltë nga Serbia – vlera rreth 5 mijë euro

Pas pranimit të informatave dhe dyshimeve për kontrabandë të mallrave nga Serbia përmes rrugëve ilegale jashtë pikave te autorizuara kufitare, ne fshatin Kokaj të Gjilanit janë ndaluar dy automjete me targa serbe, me shoferë shtetas të Serbisë. Sipas një njoftimi nga ana e Doganës së Kosovës, gjatë kontrollit të automjeteve janë gjetur 20 kova me rreth 510 kilogramë mjaltë  të cilat nuk kishin dokumente përcjellëse. Vlera e tregut është rreth 5000 euro. "Automjetet dhe mallrat janë sekuestruar dhe dërguar në terminalin doganore për procedura të mëtutjeshme. Rasti është duke u trajtuar nga njësitet e doganës së Kosovës", thuhet tutje në njoftim.