Në janar mbi 38 mijë persona i vizituan hotelet në Kosovë

Mbi 38 mijë persona i kanë vizituar hotelet në Kosovë gjatë muajit janar. Kështu bëjnë të ditur të dhënat e Agjencisë së Statistikave të Kosovës. Sipas ASK-së, 209 hotele ishin pjesë e anketës që ushtrojnë veprimtari në territorin e vendit tonë. “Në Janar 2023 numri i vizitorëve (vendor dhe të huaj) është  38,465  prej tyre 40.87%  janë vendor dhe 59.13%  janë të jashtëm, ndërsa numri i net-qëndrimeve është 67,138  prej tyre 44.79%  nga vendorët dhe 55.21%  nga të huajt”, njofton ASK përcjell Klankosova.tv Numrin më të madh të vizitorëve e ka regjioni i Prishtinës me 13 mijë e 870 vizitorë, ndërsa numrin më të madh të qëndrimit për netë e ka regjioni i Pejës me 23 mijë e 520 vizitorë. Numri më i madh i vizitorëve të huaj përqendrohet në Prishtinë, Prizren, Ferizaj e kështu me radhë. Sa u përket vizitorëve të huaj numri më i madh është nga Shqipëri, Zvicra, Gjermania. /Klankosova.tv Të dhënat e plota nga ASK-ja i gjeni KËTU Klikoni KËTU për t’u bërë pjesë e kanalit zyrtar të Klan Kosovës në Viber. Klikoni KËTU për ta shkarkuar aplikacionin e Klan Kosovës në Android, dhe KËTU për iOS.