Në fundjavë zhvillohet gara Drag Race (FOTO)

Federata e Auto Sportit të Kosovës ka bërë të ditur se në fundjavë do të zhvillohet Drag Race. Pas garës në disiplinën Super Auto Sllallom, e cila u mbajt në javën e kaluar, tani në pistën e vjetër të aeroportit, në Sllatinë, mbahet gara në Drag Race, e para për këtë disiplinë në kuadër të Kampionatit të Kosovës në automobilizëm përcjell klankosova.tv. Drejtori i ekipit Eurogoma RT Nehat Çitaku ka shtuar se përveç garuesve vendorë, pjesëmarrjen e kanë paralajmëruar edhe garues nga vendet e regjionit. Ndryshe Drag Race është shndërruar ndër disiplinat më tërheqëse për dashamirët e auto sportit në Kosovë. Paraqitja në garë, pajisja me numrat startues dhe verifikimi i dokumentacionit bëhet të shtunën nga ora 09:00-10:30 në Sllatinë. Të njëjtën ditë është paraparë edhe mbajtja e garës për klasat 16, 15, 13 dhe 13 në tri divizionet (FWD, RWD dhe 4x4), ndërsa klasat tjera garojnë të dielën me fillim në orën 11:00.