Lajmet e fundit
Asambleja e Përgjithshme e OKB-së sot do të votojë për Rezolutën për Srebrenicën, të propozuar nga Gjermania dhe Ruanda.
Edhe pse, sipas procedurës së Asamblesë së Përgjithshme, vendimet merren me konsensus, i cili kërkon që të gjitha vendet të bien dakord për tekstin e projekt-rezolutës, propozimi për Rezolutën për Srebrenicën do të votohet, pasi Serbia, Rusia dhe Kina janë kundër miratimi i saj.
Gjatë votimit në Asamblenë e Përgjithshme të OKB-së, vendet nuk kanë të drejtën e vetos dhe secili nga 193 shtetet anëtare ka të drejtën e një vote.
Edhe pse Mali i Zi nuk është në mesin e bashkë-sponsorizuesve, u njoftua se vendi do të votojë për miratimin e rezolutës, pas paraqitjes së amendamenteve në draft, transmeton Klankosova.tv.
Misioni i Përhershëm i Serbisë në OKB u bëri thirrje bashkë-sponzoruesve të rezolutës që të tërheqin tekstin e rezolutës në interes të të gjithëve, në radhë të parë të popullit të Bosnjës dhe Hercegovinës, por edhe të të gjithë anëtarëve të OKB-së, në mënyrë që shtetet anëtare të të mos vihen në pozitë për të votuar për një çështje të ndjeshme që kërkon konsensus.
Presidenti i Republikës Sërpska Milorad Dodik tha se me Rezolutën për Srebrenicën është nënshkruar fundi i Bosnje-Hercegovinës.
“Bosnje-Hercegovinës i ka ardhur fundi ose, më saktë, i është dhënë fund nga ata që u betuan për të”, thotë Dodik.
Ai shton se "mbetet që të gjithë të bëjnë përpjekje, të jenë fqinjë të mirë dhe të ndahen në paqe".
"Mendoj se fundi i Bosnjës dhe Hercegovinës u nënshkrua me atë vendim të Asamblesë së Përgjithshme. Nëse do të realizohet shpejt apo për një kohë të parashikueshme, kjo është çështje e procesit. Ne zgjedhim një ndarje paqësore dhe do të propozojmë që Në mbledhjen e qeverisë në Srebrenicë, ne do t'ia propozojmë palës federale Një sinonim për atë rezolutë mund të jetë fundi i Bosnjë-Hercegovinës", tha Dodik.
