Në 27-vjetorin e rënies, përkujtohen dëshmorët e fshatit Baks të Skenderajt

Me rastin e 27-vjetorit të rënies heroike të dëshmorëve të fshatit Baks të komunës së Skenderajt, Xhevat Osmani, Sejdi Osmani dhe Hysen Zeqiri, sot do të organizohen homazhe dhe përkujtim pranë shtatores së dëshmorëve në Baks dhe Marinë. Sipas njoftimit të familjareve, homazhet do të organizohen me fillim nga ora 12:00. Pjesëmarrës do jenë familjarët e dëshmorëve, institucione lokale dhe qytetarë. “Kujtimi për dëshmoret e fshatit Baks mbetet i gjallë dhe do të jetojë gjithmonë në zemrat e familjarëve dhe në historinë e popullit shqiptar! Lavdi e përjetshme të gjithë dëshmorëve të kombit!”.