Në 2024-tën bankat komerciale në Kosovë shënuan rekord të të hyrave

Të hyrat vjetore dhe fitimet e bankave komcerciale në Kosovë, kanë shënuar rekord në vitin 2024. Sipas të dhënave të Bankës Qendrore të Kosovës, të hyrat e përgjithshme të bankave komerciale vitin e kaluar kanë shkuar në 503.3 milionë euro. Referuar të dhënave nga BQK-ja, shpenzimet e bankave për këtë periudhë ishin 321.2 milionë euro, përderisa fitimi neto ka qenë 182.1 milionë euro. Të hyrat e bankave janë siguruar nga kamatat në kredi, si dhe nga shërbimet bankare. Gjatë vitit 2024, norma mesatare e interesit ka shkuar në 5.9 për qind, përderisa norma mesatare e interesit në depozita 3.4 për qind. Në vendin tonë operojnë 11 banka komerciale. Nga ato tetë kanë kapital të huaj, derisa tri janë vendore. Sistemi bankar i Kosovës i ka reth 4 mijë 150 të punësuar/ Klankosova.tv