Ndryshon data e finales së Kupës së Kosovës mes Prishtinës e Llapit

Federata e Futbollit të Kosovës ka njoftuar se është ndryshuar data e mbajtjes së finales së Kupës së Kosovës. Ndeshja në mes Prishtinës dhe Llapit do të luhet më 22 maj nga ora 20:00 në stadiumin “Fadil Vokrri” në kryeqytet. “Ky ndryshim vjen për shkak të zhvillimit të finales së UEFA Europa League, e cila do të luhet më 21 maj”, shkroi KF Llapi në reagim, transmeton Klankosova.tv. Nga shorti i hedhur ditë më parë në selinë e FFK-së është përcaktuar se Prishtina do të jetë skuadër vendase ndërsa Llapi do të jetë skuadër mysafire. Biletat pritet të dalin nesër pasdite në shitje përmes platformës online të FFK-së, ndërsa  çmimet dhe detaje të tjera do të bëhen publike në momentin e publikimit të tyre nga FFK.