Ndriçimi publik në Lupq të Poshtëm mbi një muaj jashtë funksionit, ankohen banorët

Banorët e fshatit Lupq i Poshtëm, kanë parashtruar një ankesë për mungesë të ndriçimit publik në lagjen “Kika”. Një prej banorëve, tha për Klankosova.tv se ndriçimi publik në këtë lagje është jashtë funksionit prej më shumë se një muaj. Sipas tij, përkundër pritjeve, deri më tani nuk është ndërmarrë asnjë masë për rregullimin e këtij problemi. “Zona jonë gjendet afër Qendrës për Azil, dhe banorët, sidomos vajzat që kthehen nga shkolla në orët e mbrëmjes po ballafaqohen me pasiguri dhe frikë, pasi rruga është krejtësisht e errët”, tha ai.