Ndjesia e marramendjes kur ngriheni nga shtrati nuk duhet injoruar

Nëse ju ndodh që kur ngriheni nga shtrati me shpejtësi, iu duhet të uleni sërish, mos e injoroni këtë ndjesi. Kjo lloj marramendjeje quhet hipotension postural dhe ka të bëjë me një rënie jo normale të tensionit të gjakut. PHT rritet me kalimin e moshës dhe të paktën një në pesë 60-vjeçarë vuan prej tij. Është një bashkëshoqërues i sëmundjeve si Parkinsoni, diabeti, mungesa e vitaminës B12, problemeve me veshkat, sëmundjeve autoimunitare dhe kancerit. Gjithashtu, përfshin problemet e zemrës, aritminë dhe ndikohet nga dieta ushqimore. Alkooli, vaktet e mëdha, mjedise shumë të ngrohta, dushe apo banja të nxehta dhe gjumi duke e mbajtur kokën në një pozicion shumë të ngritur duhen evituar. Disa lloje barnash mund ta shkaktojnë, si antidepresantët, nitratet, diuretikët. Përpiquni të ushtroheni pak çdo ditë për të normalizuar presionin e gjakut, ndërsa kur qëndroninë këmbë, tendosni muskujt e këmbëve në të gjithë gjatësinë e tyre, shkruan tvklan. Konsultohuni me mjekun nëse një medikament që merrni mund të zëvendësohet apo pakësohet në sasi. Kushtojini vëmendje dehidratimit dhe jini të kujdesshëm nëse vuani nga anemia.