Ndizen qirinj për mësimdhënësen që dyshohet se u vra nga burri i saj

Në shkollën fillore “Dardania” në Prishtinë, janë ndezur qirinj për ta nderuar mësimdhënësen e cila dyshohet se u vra nga burri i saj. 70 vjeçari dyshohet se e ka vrarë të ndjerën me sëpatë, njofton Klan Kosova. “Sot rreth orës 04:40 kemi pranuar informatën për një trup të pa jetë në një shtëpi në rrugën 'Mark Isaku' në Prishtinë. Bazuar në hetimin preliminar si dhe ekzaminimin e vendit të ngjarjes me urdhër të prokurorit të shtetit, rasti është cilësuar vrasje e rëndë”. “Lidhur me rastin është vetëdorzuar një person i dyshuar: I. G, mashkull 70 vjeç. Personi i dyshuar me urdhër të prokurorit të shtetit, është intervistuar dhe i njëjti është dërguar në qendrën e ndalimit, ndërkohë që trupi i pajetë i viktimës, femër 63 vjeç, është dërguar në Institutin e Mjekësisë Ligjore për obduksion” tha Ahmeti.

klankosova.tv