Ndihmësi i Kremlinit thotë se Moska nuk është gati për bisedime paqeje me Ukrainën

Moska nuk është e gatshme të zhvillojë bisedime të paqes me Ukrainën, sipas një ndihmësi presidencial të presidentit rus Vladimir Putin.

Rusia nuk po tërheq propozimet e saj të mëparshme për paqen, por inkursioni i Kievit në rajonin e Kurskut të Rusisë do të thotë se mbajtja e bisedimeve të paqes për momentin do të ishte "e papërshtatshme", thotë ish-ambasadori dhe ndihmësi i politikës së jashtme Yuri Ushakov, sipas agjencisë së lajmeve Reuters.

Në qershor, Putini paraqiti kushtet e tij për një armëpushim, duke thënë se Ukraina do të duhet të tërheqë trupat nga territoret ukrainase që Rusia pretendon se i ka aneksuar.

Propozimi u refuzua nga Ukraina dhe u dënua gjerësisht nga liderët evropianë gjatë një samiti të paqes në Gjenevë - një samit në të cilin Rusia nuk ishte ftuar.

Volodymyr Zelensky ka thënë prej kohësh se Ukraina nuk do të negociojë me Moskën derisa forcat ruse të largohen nga i gjithë territori ukrainas, përfshirë Krimenë, e cila ka qenë nën pushtimin rus që nga viti 2014, shkruan BBC, transmeton Klankosova.tv.