Ndërtesa në Durrës, braktisur pas tërmetit shndërrohet në bazë të narkomanëve (VIDEO)

Kështu ka ndodhur edhe me këtë pallat që ndodhet pranë stadiumit të qytetit. Siç e shikoni nga pamjet, aty janë provat e një baze të personave që kanë rënë në grackën e drogës, përcjell klankosova.tv. Shiringat sipas Top Channel, janë të shpërndara kudo…më së shumti duket se këtu strehohen ata që kanë prekur fundin: përdoruesit e heroinës. Këto që shihni të shpërndarë me shumicë janë bidonat e heroinës, një teknikë e re që përdoret për të shumëfishuar. Ajo që e bën më dramatike është fakti se këtu ka edhe nëna me fëmijë të vegjël… Madje, banorët tregojnë se njëra nga vajzat që futet shpesh në këtë pallat të braktisur, e ka lindur fëmijën e dytë pikërisht në këto ambiente. “Kemi frikë të kalojmë, na vjedhin rrobat nga ballkani. Bëjnë zhurmë, zihen. Njëra është më dy fëmijë të vegjël, njërin e lindi këtu”, u shpreh njëra nga banoret. Njëjtë si ky pallat, në të gjithë Shqipërinë numërohen me dhjetëra hot spote, ku përdoruesit mblidhen për të bërë injeksionet e drogës apo tymosur hashash.