Ndarja ua rrezikon jetën binjakëve siamezë të lidhur në kokë

Binjakët siamezë, do t’i nënshtrohen një operacioni tepër të rrezikshëm për tu ndarë. Anias dhe Jadon McDonald, kanë lindur me prerje cezariane në shtator të vitit të kaluar në Chicago të SHBA-ve. Binjakët janë të lidhur përmes kokave të tyre. Prindërit e binjakëve, 31 vjeçarja Nicole dhe babai i tyre Christian, thonë se fëmijët e tyre janë perfekt ashtu siç janë. Mirëpo, në mënyrë që ata të kenë një jetë normale, duhet të ndahen dhe operacioni do të bëhet në Bronx në New York, nën drejtimin e kirurgëve më të mirë të cilët do ta kryejnë këtë operacion tepër të rrallë. Operacioni do të kushtojë 2.5 milionë dollarë, shkruan Daily Mail, transmeton Klan Kosova.