Ndalohet për 48-orë mësimdhënësi që rrahu nxënësin në shkollën "Pavarësia"

Është ndaluar për 48 orë mësimdhënësi i cili dyshohet se ka ushtruar dhunë brutale ndaj një nxënësi sot në shkollën “Pavarësia” në Prishtinë.

Këtë e ka konfirmuar për Klankosova.tv Kryeprokurori i Prishtinës, Zejnullah Gashi.

Lidhur me rastin është deklaruar edhe Policia e Prishtinës. Zëdhënësi i Policisë për Kryeqytetin, Enis Pllana, tha për Klankosova.tv se palët e përfshira janë shoqëruar në stacionin policor.

"Sot rreth orës 12:00, kemi pranuar informatën për një rast sulmi fizik të ndodhur në një shkollë fillore në Prishtinë. Menjëherë policia ka dalë në vendin e ngjarjes dhe ka shoqëruar në stacion policor palët e përfshira në rast”, tha ai. Aktualisht policia në koordinim me prokurorinë ka nis një hetim për zbardhjen e rastit. /Klankosova.tv https://klankosova.tv/policia-deklarohet-per-rrahjen-brenda-shkolles-pavaresia-ne-prishtine/ https://klankosova.tv/e-rende-mesimdhenesi-ushtron-dhune-ndaj-nje-nxenesi-ne-prishtine/