Ndalohet një person në Leposaviq, dyshohet se hyri në Kosovë nëpërmjet rrugëve ilegale

Një person është ndaluar në fshatin Qirkoviq të Leposaviqit, pasi dyshohet se ka hyrë ilegalisht në Kosovë. Policia e Kosovës ka njoftuar se në konsultim me prokurorin është iniciuar rasti dhe rasti është proceduar në procedurë të rregullt, transmeton Klankosova.tv. “Njësia policore ka ndaluar një veturë ku gjatë legjitimimit të personit dyshohet se i njëjti ka hyrë përmes rrugëve ilegale në vendin tonë. Në konsultim me prokurorin është iniciuar rasti dhe procedohet me procedurë të rregullt”, thuhet në raportin 24-orësh të Policisë.