Ndalohen shitjet e studimeve ornitologjike historike të John Gould

Qeveria e Mbretërisë së Bashkuar ka vendosur një ndalim të përkohshëm të shitjes, për një koleksion të veprave "jashtëzakonisht të thella" nga ornitologu i famshëm i shekullit të 19-të John Gould,vendim i marrë si një përpjekje për t'i ruajtur ato për kombin. Artisti Gould është i njohur më së miri për ‘Zogjtë e Australisë’, një përmbledhje gjithëpërfshirëse, me shtatë vëllime të zogjve të vendit që ai bëri së bashku, mes viteve 1840 dhe 1848, përcjell klankosova.tv. Vëzhgimet e tij mbi gishtat e Galapagos të Charles Darwin luajtën një pjesë në zhvillimin e të menduarit të Darvinit drejt teorisë së tij të evolucionit . Ndalimi i aplikuar është vendosur në dy prej albumeve të tij, të titulluar Gould's Original Drawings Vols I dhe II, të cilat vlerësohen në 1,287,500 £ dhe përmbajnë 129 vizatime dhe akuarele nga Gould, së bashku me vepra të tjera, përfshirë ilustrimet nga gruaja e tij Elizabeth. Ministrja britanike e Kulturës, Caroline Dinenage e mori vendimin mbi Këshillën e Komisionit Shqyrtues për Eksportin e Veprave të Artit dhe Objekteve me Interes Kulturor, i cili e konsideroi Gould të ishte "një nga artistet më të rëndësishme të historisë natyrore të epokës Viktoriane". Do të ishte "një fatkeqësi" nëse vizatimet do të largoheshin nga Mbretëria e Bashkuar, tha komiteti, sepse ato janë "me një rëndësi të jashtëzakonshme për studimin e historisë dhe studimin e artit të historisë natyrore". "Këto vizatime të hollësishme japin një pasqyrë të rëndësishme në punën e një prej ornitologëve tanë më të rëndësishëm, duke na ndihmuar të kuptojmë më mirë studimin e shekullit të 19-të të historisë natyrore", tha Dinenage. "Unë sinqerisht shpresoj që këto vepra të bukura të mund të ruhen për kombin në mënyrë që ata të vazhdojnë të informojnë njohuritë dhe kuptimin tonë për punën e shkëlqyer të John Gould".