"Ndaj Gladbach na mungoi Messi"

Sergio Busquets ka thënë se Barcelona e ndjeu mungesën e Lionel Messi në ndeshjen ndaj Borussia Monchengladbach.

Asi argjentinas është i lënduar dhe pritet që të mungojë rreth tre javë, sipas raporteve të medieve spanjolle.

Në mungesë të tij Barcelona e gjeti të vështirë fitoren ndaj skuadrës gjermane, që avancoi e para.

“Gjithnjë do të na mungojë Messi. Kur fiton me kaq shumë vështirësi, e kupton edhe më shumë mungesën e tij".

"E patëm të vështirë të gjenim hapësira, sepse ata mbrojtën në thellësi Menduam se do të bënin presion, por kjo gjë nuk u arrit".

"I ndryshuam gjërat në pjesën e dytë dhe më pas patëm më shumë vazhdimësi me mënyrën tonë të lojës".