Ndahet nga jeta “Artisti i Popullit”, Demir Hyskja

Dje, në orët e para të mëngjesit, ndërroi jetë në spitalin e Elbasanit “Artisti i Popullit”, Demir Hyskja, aktor i madh i skenës dhe ekranit shqiptar. Artisti Hyskja u shua  në orët e para të mëngjesit në Qendrën Spitalore “Xhaferr Kongoli” në Elbasan. Prej disa kohësh ai vuante nga sëmundja e diabetit dhe problemet me tensionin  arterial. Demir Hyskja mbetet padyshim një nga gjigandët e teatrit dhe kinematografisë shqiptare. Ai i përket plejadës së shquar të aktorëve shqiptarë. Ishte bashkëkohës i Naim Frashërit, Sandër Prosit, Kadri Roshit, Sulejman Pitarkës etj. Ka luajtur shumë fila me këta aktorë. Gjatë karrierës 30-vjeçare në teatër ka realizuar mbi 50 role kryesore. Në Kinostudion “Shqipëria e Re” ka realizuar 24 filma artistike dhe dokumentarë. Ka luajtur role mjaft të rëndësishëm në filma të tillë si Dhe vjen një ditë, Fushë e Kuqe , fushë e blertë, kohë e largët, Nëntori i Dytë, Përtej mureve të gurta, Dollia e dasmës sime, Pylli i Lirisë, Rrugicat që kërkojnë diell, Mengjeze lufte, Kur zbardhi një ditë etj. Demir Hyskja  u lind më 1 janar të vitit 1937 në qytetin e Elbasanit.  Arsimin fillor dhe të mesëm e kreu në qytetin e lindjes. Fillimisht ka punuar teknik ndërtimi e më pas u përzgjodh aktor në teatrin “Skampa”. Titujt e akorduar Është dekoruar disa herë me dekorata të shkallëve të ndryshme. Mban titullin “Naim Frashëri i Klasit të Parë”. Në vitin 1969 nderohet me titullin “Artist i Merituar” dhe në vitin 1979 nderohet me titullin e lartë “Artist i Popullit”. Është zgjedhur katër herë radhazi deputet në Kuvendin Popullor. Bashkia Elbasan i akorduar titullin “Qytetar Nderi i Elbasanit” me motivacionin  “Për kontributin e shquar në promovimin e artit dhe kulturës qytetare të Elbasanit, për vlerat e spikatura në teatër dhe kinematografi, si një aktor i përmasave kombëtare”. Skena shqiptare ka humbur një nga gjigandët e saj. Por kujtimi i tij do të mbahet mend gjatë. Vepra e tij është e fiksuar përjetësisht në celuloid. Rolet në filma dhe teatër Gjatë karrierës 30-vjeçare në teatër ka realizuar mbi 50 role kryesore. Në Kinostudion “Shqipëria e Re” ka realizuar 24 filma artistike dhe dokumentarë. Është autor i mjaft filmave si: Disa nga filmat ku ka luajtur Demir Hyskja: “Dhe vjen një ditë” (1986) “Kronikë e atyre netëve” (1986) “Hije që mbeten pas” “Fushë e blertë fushë e kuqe”(1984) “Kohë e largët” (1983) “Një emër midis njerëzve” (1983) “Nëntori i dytë” (1982) “Shokët” (1982) “Dëshmorët e monumenteve” (1980) “Një ndodhi në port” (1980) “Me hapin e shokëve (1979) “Një natë nëntori” (1979) “Përtej mureve të gurta” (1979) “Gjyshi partizan” (1978) “Dollia e dasmës sime” (1978) “Një udhëtim i vështirë” (1977) “Fije që priten” (1976) “Pylli i lirisë” (1976) “Në fillim të verës” (1975) “Rrugicat që kërkonin diell” (1975) “Shpërthimi” (1974) “Kur zbardhi një ditë” (1971) “Mëngjese lufte” (1971) “Ngadhënjim mbi vdekjen” (1967)