Ndahen 5 milionë për familjet në nevojë, Kurti: Duam që dimrin ta kalojnë sa me lehtë

Kryeministri Albin Kurti ka marrë pjesë në prezantimin e masës 1.2 për subvencionimin e familjeve me asistencë sociale. Ai ka thënë se kjo po bëhet që dora e shtetit të ndihet tek ata që kanë më së tepërmi nevojë. “Masa ka në qendër grupet më të cenueshme të shoqërisë”, është shprehur Kurti, njofton KlanKosova.tv. “Me 5 milionë euro mundësohet subvencionimi i lëndës djegëse për ngrohje në mënyrë që dimri të kalohet sa më lehtë”, ka shtuar ai. Ndër të tjera Kurti ka përmendur se kujdesi ndaj qytetarit është shtyllë qendrore e programit të tyre qeverisës.

Kjo masë është e mbështetur nga Bashkimi Evropian, në kuadër të Pakos Energjetike Emergjente e BE-së. /Klankosova.tv