NBA gjobit Dallas Mavericks me 750,000 dollarë

NBA, ka dënuar skuadrën e Dallas Mavericks me gjobë prej 750,000 dollarë pasi kanë pushuar lojtarët kryesor kundër Chicago Bulls. Në një deklaratë, NBA tha se ata kishin treguar "një dëshirë" për të humbur në mënyrë që të përmirësonin shanset e tyre për të marrë një zgjedhje të top-10 në draftin e kësaj vere. Nënkryetari ekzekutiv i NBA, Joe Dumars, tha se veprimet e Mavericks kishin dështuar tifozët dhe ligën. “Mavericks shkelën politikën e pushimit të lojtarëve të ligës dhe demonstruan përmes veprimeve dhe deklaratave publike dëshirën e organizatës për të humbur ndeshjen për të përmirësuar shanset për të mbajtur zgjedhjen e saj në raundin e parë në draftin e NBA-së 2023”, thuhet në deklaratën e organizatës amerikane të basketbollit. Mavericks u mundën 115-112 nga Bulls më 7 Prill. Dallas në atë sfidë kishte deklaruar se Kyle Irving, Tim Hardaway Jr dhe Maxi Kleber ishin të gjithë me lëndime ndërsa Josh Green dhe Christian Wood po pushonin. Të pesë lojtarët plus Luka Doncic, i cili luajti vetëm 12 minuta u shfaqën në fitoren e tyre të mëparshme ndaj Sacramento Kings, gjë që çoi në akuzat për të "bojkotuar" ndeshjen. Një përfundim më i ulët në renditjen e përgjithshme do të kishte rritur shpresat e Dallas-it për të nënshkruar me adoleshentin e talentuar francez, Victor Wembanyama.