NBA: “Arinjtë” i demolojnë “Drerët” (VIDEO)

Memphis Grizzlies e ka shkatërruar ekipin e Milwaukee Bucks në “FedEXForum”, me rezultat shumë të thellë prej 41 pikëve epërsi, 142-101. Ja Morant ishte i jashtëzakonshëm në këtë përballje duke i arritur shifrat magjike “triple-double”, 25 pikë, 10 kërcime e po aq asistime. Ndërsa për ekipin humbës më i dalluari ishte Giannis Antetotkounmpo me 19 pikë. Më dramatike ishte sfida që u zhvillua në “Vivint Smart Home Arena”. Aty triumfoi Utah Jazz kundër New Orleans Pelicans vetëm pas vazhdimeve, me rezultat final 132-129. Jordan Clarkson ishte ekuacion i pazgjidhur për basketbollistët e pelikanëve pasi shënoi 39 pikë. Në shtëpi dështoi Los Angeles Clippers. Ky klub pësoi humbje në “Crypto.com Arena” nga Phoenix Suns, me shifrat finale 95-111. Fati i Clippers-ave i përcolli edhe basketbollistët e Houston Rockets. Kjo për faktin se këta të fundit pësuan humbje në shtëpi nga Miami Heat, me rezultat 108-111.