Lajmet e fundit
NATO e ka dënuar sulmin kibernetik të Iranit ndaj Shqipërisë.
Përmes një postimi në Twitter kreu i aleancës veriatlantike, Jens Stoltenberg, shprehet se NATO është e përkushtuar të vazhdojë të rrisë sigurinë për të penguar dhe mbrojtur kundër kërcënimeve kibernetike.
“Dënoj fuqishëm sulmin e fundit kibernetik ndaj Shqipërisë, të cilin Tirana dhe aleatët e tjerë ia atribuojnë Iranit. NATO dhe ekspertët e Aleatëve po ofrojnë mbështetje. NATO është e përkushtuar të vazhdojë të rrisë sigurinë për të penguar dhe mbrojtur kundër kërcënimeve kibernetike”, deklaroi Stoltenberg.
Një ditë më parë, ShBA dhe Britania i dolën në krah Shqipërisë për vendimin e marrë për dëbimin e diplomatëve të Republikës Islamike që u gjet përgjegjëse për sulmin kibernetik të meskorrikut në Shqipëri.
Ambasada iraniane u boshatis sot pas ultimatumit të dhënë një ditë më parë nga kryeministri Edi Rama që i la 24 orë kohë stafit diplomatik të ambasadës së Republikës Islamike të Iranit të largohet nga Shqipëria.
Rama deklaroi se ky vendim i Këshillit të Ministrave vjen pasi u zbulua se pas sulmit kibernetik të 15 korrikut qëndron Republika Islamike e Iranit./Euronews.al
