“Natën e mirë për Bayernin” - PSG shënon fitore në gjysmëfinalen e parë të Championsit

Tanimë ka përfunduar ndeshja e parë gjysmëfinale e Champions League mes Paris Saint-Germain dhe Bayern Munich. Pjesa e parë u karakterizua me aksione të zjarrta nga të dyja skuadrat, transmeton Klankosova.tv. Goli i parë erdhi në minutën e 17-të ku Harry Kane u tregua i saktë nga pika e bardhë e penaltisë. Ndërsa në minutën e 24-të, Khvicha Kvaratskhelia gjeti golin e barazimit. Kurse në minutën e 33-të, ishte Joao Neves i cili shënoi gol të bukur që erdhi nga gjuajtja nga këndi nga Ousmane Dembele. Megjithatë, gjermanët u treguan të qetë, transmeton Klankosova.tv, duke krijuar një aksion të bukur, që solli edhe barazimin e rezultatit në minutën e 41-të, me Michael Olise. Një rast diskutabil për gjyqtarin kryesor të ndeshjes erdhi në minutat e fundit të pjesë së parë. Pas rishikimit të sistemit VAR, gjyqtari mori vendimin se ishte prekje me dorë e lojtarit të Bayern Munich, duke vendosur që është penalti në favor të parisienëve. Nga pika e bardhë nuk gaboi Dembele. Me rezultat 3-2 përfundoi pjesa e parë. Mirëpo, pjesa e dytë e elektrizoi edhe më shumë atmsoferën. Ishte Khvicha Kvaratskhelia i cili gjeti golin e katërt për Parisin në minutën e 56-të. Vetëm pas dy minutave lojë, Ousmane Dembele shkundi portën sërish për rezultatin 5-2. Mirëpo Bayerni nuk qëndroi duarkryq, pasiqë në minutën e 65-të, Dayot Upamecano shënoi golin e tretë për skuadrën gjermane. Ndërsa pas vetëm tre minutave lojë, Luis Diaz shkundi rrjetën e parisienëve, duke ngushtuar epërsinë e parisienëve në 5-4. Ndonëse pati ende raste nga të dyja skuadrat, ndeshja përfundoi 5-4, ndërsa kujtojmë që ndeshja kthyese do të zhvillohet më 6 maj në Allianz Arena në Gjermani. Ndeshja tjetër gjysmëfinale mes Atletico Madrid dhe Arsenal do të zhvillohet nesër në stadiumin Metropolitano në ora 21;00  dhe do të transmetohet në platformën Artmotion.