Naser Aliji transferohet te Kaiserslautern

Mediat gjermane nuk japin detajet financiare të marrëveshjes personale të Alijit dhe as sa do të përfitojë nga shitja e tij Basel, skuadër me të cilin Aliji ka një kontratë deri në verën e vitit 2017, por padyshim që ky është një hap pozitiv për mbrojtësin. 22 vjecari ka patur një sezon të mirë vitin e kaluar gjatë të cilit luajti 15 ndeshje në kampionat me Baselin duke dhënë dhe 5 asiste për gol, ndërkohë që padyshim që një rol të rëndësishëm në realizimin e këtij transferimi te Kaizerslautern, një emër me traditë në futbollin gjerman ka luajtur dhe fakti që Aliji është pjesë e Kombëtares Shqiptare të Futbollit që ka rritur kuotat e futbollistëve të saj me përfaqësimin dinjitoz të ekipit në “Francë 2016”.