NASA kthen kontaktin me sondën hapësinore të humbur

NASA është kthyer në kontakt të plotë me sondën e saj të humbur Voyager 2 muaj më herët se sa pritej, tha agjencia hapësinore. Në korrik u bë një komandim i gabuar me anijen kozmike, e dërguar për të eksploruar hapësirën në 1977, duke ndryshuar pozicionin e saj dhe duke ndërprerë kontaktin. Një sinjal u kap të martën, por falë një "bërtitjeje ndëryjore" - një drejtimi të fuqishëm - antena e saj  tani është kthyer përballë Tokës. NASA fillimisht shpresonte se anija kozmike do të rivendosej në tetor. U deshën 37 orë që kontrollorët e misionit të kuptonin nëse komanda ndëryjore kishte funksionuar pasi Voyager 2 është miliarda milje larg nga Toka. Pasi komunikimet u humbën, sonda nuk ishte në gjendje të merrte komanda ose të dërgonte të dhëna në Rrjetin Hapësinor të Thellë të NASA-s - një grup antenash gjigante radioje në të gjithë botën. Por agjencia hapësinore konfirmoi më 4 gusht se të dhënat ishin marrë nga anija kozmike dhe ajo po funksiononte normalisht, raporton BBC, përcjell KlanKosova.tv.