Napoli insiston për Scudetto, shënon fitore të rëndësishme në transfertë

Napoli ka fituar minimalisht 0:1 ndaj Lecce-s në xhiron e 35-të të Serie A-së. Një gol i Giacomo Raspadorit në minutën e 24-t pas një ekzekutimi fantastik të goditjes së lirë i mjaftoi skuadrës së Antonio Conte-s që t'i arkëtojë tri pikë. Me këtë fitore, napolitanët numërojnë 77 pikë në krye të tabelës, gjashtë më shumë se Interi por që kampioni në fuqi e ka një lojë më pak të zhvilluar. Në anën tjetër, Lecce e Ylber Ramadanit mbetet e 17-ta me 27 pikë duke e rrezikuar rënien nga liga pasi ka vetëm një pikë më pak se vendi i 18-të. Kapiteni i Kosovës, Amir Rrahmani, ishte edhe një herë në krye të detyrës duke luajtur  tërë takimin.