Napoli po lëviz konkretisht në merkato për të përforcuar repartin ofensiv dhe emri i Marcos Leonardo ka dalë fuqishëm në orët e fundit.
Sulmuesi brazilian konsiderohet si një profil ideal për projektin e klubit, falë moshës së re, instinktit për gol dhe potencialit të madh rritjeje.
Aktualisht, Marcos Leonardo aktivizohet te Al Hilal në Arabinë Saudite, ku u transferua nga Santos, por aventura e tij në Lindjen e Mesme mund të mos zgjasë shumë.
Klubi arab thuhet se është i hapur për ta lënë të lirë lojtarin, qoftë në formë huazimi ose edhe për një transferim të përhershëm, nëse plotësohen kushtet financiare.
Sipas raportimeve nga mediat italiane, drejtuesit e Napolit kanë nisur kontaktet për të kuptuar kushtet e një marrëveshjeje, ndërsa lojtari shihet si alternativë afatmesme për sulmin. Klubi kërkon një profil që të garantojë gola, por edhe perspektivë për të ardhmen, transmeton Klankosova.tv.
Marcos Leonardo vlerësohet për lëvizjen në zonë dhe aftësinë për të finalizuar aksionet, elementë që përputhen me kërkesat taktike të Napolit. Negociatat janë ende në fazë fillestare, por pista mbetet e hapur dhe mund të zhvillohet në ditët në vijim, në varësi të kushteve ekonomike dhe konkurrencës nga klube të tjera evropiane.
●●●
SZSHKRIMI NGA
Sh Z
Editorial nga Klan Kosova — ndjek sport dhe zhvillimet e tjera kryesore të vendit.
