Nagip Krasniqi mbetet në paraburgim, Apeli refuzon kërkesën e mbrojtjes

Gjykata e Apelit e ka refuzuar ankesën e mbrojtjes së Nagip Krasniqit, i cili ka kërkuar që këtij të fundit t’i ndërpritet masa e paraburgimit. Lajmin për klankosova.tv e ka konfirmuar Nystret Arifi, zyrtar për Informim në Gjykatën e Apelit. Ish-kreyshefi i KEK-ut do të mbetet në paraburgim deri në ndonjë vendim tjetër të Prokurorisë apo Gjykatës. Më 20 prill 2023, Krasniqit i është caktuar masa e paraburgimit dhe e njëjta do të vlejë deri më 20 maj. Ai është arrestuar nën dyshimin për kryerjen e tri veprave penale, "Keqpërdorimi i pozitës apo autoritetit zyrtar’", "Ushtrimi i ndikimit" , dhe "Konflikti i interesit". *Klikoni KËTU për t’u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.

klankosova.tv