Universiteti i Helsinkit ka bërë një studim, me të cilin ka dalë në përfundim se dëgjimi i muzikës, veçanërisht asaj relaksuese si muzika klasike apo ambientale, ka efekte të dukshme në shëndetin kardiovaskular dhe mirëqenien mendore.
Vetëm 20 minuta dëgjim në ditë kanë mjaftuar për të ulur ndjeshëm tensionin e gjakut, për të stabilizuar ritmin e zemrës dhe për të reduktuar hormonet e stresit si kortizoli. Ky efekt ndodh sepse muzika ndikon në sistemin nervor autonom, duke aktivizuar përgjigjen parasimpatike që çon në relaksim, raporton Medicalnewstoday, transmeton Klan Kosova.
Studiuesit theksojnë se efektet pozitive të muzikës janë më të mëdha kur dëgjimi bëhet në një ambient të qetë dhe pa ndërprerje, duke krijuar një hapësirë personale për reflektim dhe pushim mendor.
Muzika është gjithashtu mjet efikas për personat që vuajnë nga ankthi apo depresioni, duke ofruar lehtësim emocional pa nevojën e ndërhyrjeve medikamentoze.
●●●
EVSHKRIMI NGA
E V
Editorial nga Klan Kosova — ndjek shëndet dhe zhvillimet e tjera kryesore të vendit.
