Mustafa: Investimet e sektorit privat në rënie të vazhdueshme, pasqyrë reale e gjendjes ekonomike

Koordinatori për Financa në Kabinetin e Qeverisjes së Mirë të PDK-së, Arben Mustafa, thotë se vlera e investimeve në sektorin privat e tregon më së miri situatën ekonomike. “Investimet e sektorit privat në Kosovë po shënojnë rënie të vazhdueshme përgjatë vitit 2023.  Në tremujorin e tretë të këtij viti, investimet private shënuan një rënie reale vjetore prej rreth 19.9% (vlerësim i bazuar në të dhënat e ASK-së)”, ka shkruar ai, përcjell KlanKosova.tv. “Pasqyra e investimeve të sektorit privat është pasqyra më reale e gjendjes së ekonomisë së vendit”.