Muret e Berlinit

Kur flitet për Barcelonën zakonisht mendohet për treshen shkatërruese MSN(Messi,Suarez, Neymar), që bashkë kanë shënuar 120 gola. Për mbrojtjen flitet shumë rrallë, megjithëse statistikat e kësaj structure janë të atilla që do të kënaqnin edhe fansin më kërkues.

Luis Enrique ka krijuar mbrojtjen më të mirë në Evropë, nëse për bazë merren golat e pranuar si në ligë, ashtu edhe në Chmapions. Barcelona ka pranuar vetëm 31 gola, një shifër të cilën mund ta afrojë vetëm Juventus e Bayern.

Sekreti i Barcelonës është i thjeshtë e njëkohësisht efektiv: puna ekipore. Pjesë e rëndësishme është edhe presioni që bëjnë në mbrojtjen e kundërshtarit duke e detyruar të gaboj. Kështu porta e tyre rrallë është sulmuar. Por, edhe kur janë sfiduar, portierët e Barcelonës kanë qenë të shkëlqyer.

Në anën tjetër Juventus është i pamposhtur në nëntë ndeshjet e fundit në Champions, në pesë nga të cilat nuk kanë pësuar gol. Por, të shtunën mbrëma mbrojtja do të jetë pa gurin themeltar, zotëriun ‘Jo mosarsye’, Giorgio Chiellini, që u lëndua në stërvitje.

Ndryshe nga Allegri, Luis Enrique do të ketë setin e plotë të mbrojtësve në gjendjen më të mirë fizike.