Lajmet e fundit
Sektori i turizmit në Shqipëri pritet të ketë një tjetër sezon të vështirë, kësaj radhe i ndikuar nga kriza e konfliktit të armatosur mes Rusisë dhe Ukrainës.
Në fakt, efektet kanë filluar të shfaqen që tani, pasi turistët ukrainas duhej të kishin filluar rezervimin e charterave, nëse situata do të ishte normale.
Dhe kur flasim për turistë nga Ukraina, bëhet fjalë jo për 10 apo 15 ditë, por pothuajse të gjithë sezonin, shkruan A2 CNN.
Në fakt, një situatë e vështirë pritet në sektorin e turizmit edhe në gjithë rajonin apo të paktën për vendet që konkurrojnë me Shqipërinë, si Kroacia, Mali i Zi apo Greqia.
Sipas kreut të operatorëve turistikë të jugut, këtë sezon nuk pritet që të ketë turistë as nga Serbia, të cilët me sa duket preferojnë Greqinë.
Sipas operatorëve turistikë, situata e krijuar prej luftës në Ukrainë është më rëndë edhe nga situata e krijuar prej pandemisë, por pavarësisht kësaj infrastruktura e përmirësuar në zonat turistike, si dhe gatishmëria e operatorëve janë shpresa për të pasur një sezon mbi këto pritshmëri.
