Një deklaratë e papritur nga ish-presidenti Hashim Thaçi në Hagë, ka ngritur tensione në sallën e Gjykatës Speciale.
Thaçi tha se prokurori, John Devaney, që dikur përfaqësonte Zyrën e Prokurorit të Specializuar si roje burgu, ka kërcënuar dhe keqtrajtuar ish-krerët e Ushtrisë Çlirimtare të Kosovës.
Gazetarja e Klan Kosovës, Rina Mujku, e cila raportoi
ekskluzivisht për rastin në fjalë, në emisionin “Kosova Today” tha se Devaney nuk ishte një roje i thjeshtë.
“Këtë e kuptuam vetëm pas deklasifikimit të seancës dhe pas deklaratës së Hashim Thaçit, pavarësisht se Prokurori i Specializuar, pra zyra e Kimberly West refuzoi të shpaloste detaje të tjera në lidhje me John Devaney”, u shpreh Mujku.
Sipas gazetares, ky refuzim erdhi për shkaqe procedurale.
Ndër të tjera, Mujku thotë se fakti më shqetësues në të gjithë procesin gjyqësor të të Thaçit dhe të tjerëve, është se si Devaney nga një roje i thjeshtë, arriti të bëhej hetues i lartë në Qendrën e Paraburgimit në Scheveningen.
“Neve asnjëherë nuk na është thënë se ka hetues brenda Qendrës në Paraburgimit në Scheveningen”, u shpreh ajo.
Ndër të tjera, gazetarja Mujku thotë se nuk është dëgjuar më parë një avancim i tillë i një personi në prokuroritë anë e kënd botës.
https://www.youtube.com/watch?v=AwMZBoNOe4o
