MSh-ja libaneze: Të paktën 10 persona u vranë në sulme të veçanta izraelite në Liban

Ministria libaneze e Shëndetësisë ka thënë se të paktën 10 persona kanë vdekur në dy sulme të veçanta izraelite në vend.

Kjo ministri në “X” tha se pesë persona u vranë dhe 21 u plagosën pas një sulmi izraelit në zonën Nabatieh në jug, raporton Sky News.

Ndërkaq, në një postim të veçantë, në po të njëjtën platformë, kjo ministri tha se pesë persona u vranë dhe 10 u plagosën në rajonin verilindor Baalbek-Hermel.

Më herët, Ministria libaneze e Shëndetësisë tha se të paktën 63 njerëz janë vrarë në sulmet izraelite në Liban gjatë ditës së kaluar, duke e çuar numrin e përgjithshëm e të vrarëve në një vit konflikt në 2 mijë e 530.