Mrekullia arkitekturore e cila ndodhet në Shkodër (FOTO)

Nuk kemi nevojë të shkojmë larg për të shijuar diçka të tillë. Një muze me një pamje të tillë gjendet në Shqipëri, shkruan Mapo. Studio holandeze Casanova+Hernandez ka publikuar një seri fotosh nga puna e tyre në Shqipëri. Bëhet fjalë për muzeun e fotografisë në Shkodër. Studio nga Roterdami thotë se ka restauruar dhe ka zgjeruar një godinë të vjetër qeveritare. Pas fasadës historike, ata kanë shtuar një hapësirë moderne prej dy katesh. Në këtë muze, ku është ndërthurur kaq bukur modernia me klasiken, janë të ruajtura punimet e familjes Marubi, tre gjenerata fotografësh.