Morata këshillohet nga legjenda e Chelsea

Gianfranco Zola ka thënë se Alvaro Morata duhet të jetë më konsistent në lojën e tij për të pasur sa më shumë sukses tek Chelsea.

Sulmuesi spanjoll u transferua nga Real Madrid gjatë verës për të mbushur hapësirën në sulm të lënë nga Diego Costa.

Në pesë ndeshje Morata ka shënuar pesë gola, por Zola beson se sulmuesi ka edhe shumë punë për të bërë në mënyrë që të bëhet i atillë që skuadra të mund të mbështetet në të.

"E di që është i talentuar, por ai kurrë nk ka qenë konsistent. Tek Juventus ka qenë i tillë, si edhe tek Real Madrid".

"Askush nuk ka dyshim në aftësitë e tij, por është ende i ri dhe i duhet të përmirësohet ende".