Kthesen në të majtë e zuri mirë.
Por, kur e mori drejtimin për në të djathtë Francesco Bagnaia, rrëshqiti dhe doli nga shtegu në “Grand Prix Americas”. Dëshpërimi u pa edhe tek ekipi i Bagnaias për faktin se italiani po shkonte drejt fitores sepse deri në atë moment ishte në pozitën e parë. Megjithatë, 26 vjeçari në çdo moment kishte presion nga Alex Rins i cili aty e rrëmbeu vendin e parë dhe e mbajti ashtu deri në fund të për ta fituar betejën në “Grand Prix Americas”.
Në fakt, fatin e njejtë si të Franceso Bahnaias e patën edhe tetë garues të tjerë. Dy të parët që dolën nga shtegu ishin Alex Marquez dhe Jorge Marin që u përplasen mes vete.
Kurse ndryshe prej tyre, Alex Espargaron nuk e pengoj askush por duke u futur në kthesë i rrëshqiti motoçikleta. Njejtë i ndodhi edhe me Jack Miller i cili e mbante pozitën e tretë deri në atë moment.
Garuesit e tjerë që nuk aritën ta mbyllin garën ishin: Stefan Bradl, Takaaki Nakagami, Raul Ferndadez dhe Joan Mir.
