Mobilizohet Peja, kërkon sukses në Evropë

Peja të mërkurën (nesër) e zhvillon ndeshjen e parë në shtëpi në edicionin e sivjetmë të FIBA Europe Cup. Pejanët do të ndeshen me skuadrën e njohur holandeze, Heroes Den Bosch, në takimin që zhvillohet nga ora 19:00. Peja në sfidën e parë ishte mundur nga skuadra gjermane NINERS Chemnitz 98:72, kurse Heroes Den Bosh ishte mposhtur nga GE Spojnia Stargard me rezultat 89:92. Kampionët e Kosovës ishin në kualifikimet e Ligës së Kampionëve, por kishin pësuar nga kampionët e shumëfishtë të Danimarkës, Bakken Bears Aarhus, 103:79. Verdhezinjtë kanë ftuar tifozët për përkrahje, në spektaklin e basketbollit, që pritet të jetë të mërkurën mbrëma në ‘Karagaçi’, ku lojtarët më shumë se kurrë kanë nevojë për përkrahjen e tyre. Peja edhe në edicionin 2016-17 ishte pjesë e grupeve të FIBA Europe Cupe.