Mjet shpërthyes në oborrin e një qytetari serb në Zubin Potok, dëmtohet një veturë

Një veturë është dëmtuar si pasojë e hedhjes së një mjeti shpërthyes në oborrin e një qytetari serb në fshatin Pridvoricë të Zubin-Potokut. Rastin për Klankosova.tv e ka konfirmuar zëvendësdrejtori i policisë për veriun, Veton Elshani. Elshani bëri të ditur se nga ky rast nuk ka të lënduar dhe se mjeti shpërthyer dyshohet të jetë granatë dore. Ende nuk dihen arsyet e kësaj ngjarje. Lidhur me rastin policia i ka nisur hetimet, kurse deri më tani nuk ka ndonjë person të arrestuar.